محمد صلى الله عليه وسلم " مربي "

الحمد لله رب العالمين والصلاة والسلام على حضرة الحبيب المصطفى، صلى الله عليه وسلم، الذي استطاع أن يحول النظرية إلى واقع والرسالة إلى جيل يعمل على صبر الحياة بالعزة والشرف والرجولة، وقام الحبيب المصطفى بإعداد هذا الجيل ورعايته ابتداء بذاتيته بشخصيته، واستطاع أن يوجه كل طاقاته وملكاته إلى الوجهة الصحيحة، وأي حد فينا يقدر يقيس ده بسهولة جدا من خلال قراءة للشخصية قبل ما تنصهر في المدرسة المحمدية وبعد ما دخلتها، حنلاقي تغيرات شاسعة جدا، حنلاقي أن كافة طاقات الإنسان تغيرت وتحولت طاقاته الروحية، لقت مسارها ولقت نجاتها ولقت راحتها بعد ما كانت في قلق، مرة تعبد وثن.. مرة شجرة.. مرة تمثال، مفيش راحة، لما توجهت لله الواحد الأحد ارتاحت وارتقت وعليت، وحست بأنها وجدت ضالتها، ناس كتير كانت تبحث عن الحقيقة ذي خباب بن الأرت كان ديما يدور على البعد المفقود، سلمان الفارسي كان بيدور على الحقيقة، أبو الدر داء بيدور على شيء ناقصة مش لاقية محتاجه..
كل هؤلاء وجدوا في الوحدانية، وجدوا في الطريق إلى الله الحقيقة اللي بيدوروا عليها، علشان كده هديوا وبدأ المربي يعلم ويوجه ويتعرف على كل واحد أهم خصائص إيه، واحد كان قدراته وملكاته بتأهله إنه يبقى معلم مدرس ومربي.. وتخيلوا أن الحبيب المصطفى صلى الله عليه وسلم وأهله إلى هذا لا بص كان عبد عند فلان ولا كان بيشتغل.. لا بص هو إيه جواه.. إيه ملكاته قدراته ممكن تديله إيه، فمنستغربش لما نلاقي معاذ بن جبل كان من إماما من الأئمة وهو شاب صغير منستعجبش لما نلاقي واحد ذي عبد الله بن مسعود وهو أجير فقير لكن لديه ملكات غير عادية منستغربش لما نلاقي واحد ذي خباب بن الأرت لقى نفسه في التعليم معلم.. علم مين فاطمة بنت عمر بن الخطاب وعلم زوجها وعلم عمر بن الخطاب وزي ما علم الكبير اللي سيدنا حبيبي المصطفى حبيبي رسول الله قال العلم مدينة وعلي بابها، وجه اللي إيمانه عالي هذه، حنلاقي كل الملكات والطاقات عند كل شخص من اللي حوليه متوجه الوجهة الصحيحة، حنلاقي إنسان المتكامل بكل طاقاته المتنوعة، الطاقة الروحية تعمل إيه، الطاقة الفكرية، طلب العلم فريضة على كل مسلم ومسلمة، اقرأ وتعلم، أفلا يتفكرون أفلا يعقلون.. بص شوف اتفرج اعمل انظر إلى الكتاب المنظور اللي هو السماء وما فيها والكتاب المسطور اللي هو القرآن الكريم، تأمل في نفسك {وفي أنفسكم أفلا تبصرون} أنت شايف مياه وشوية دم وشوية يعني مش أكتر من كده إيه اللي يخلي الواحد يعرف يتكلم ويفكر ويتحرك ويمشي.. إيه الكهرباء اللي شغلت ده كله، دحنا لو اترجمنا لمادة من سويش غير شوية ميه وشوية معادن تعمل مسمار وشوية كلسم يدوبك يعملوا حيطة، هذه مقومات جسم الإنسان، لكن العظمة والإعجاز كله في كيفية الخلق، علشان كده طلب مننا: أفلا يتفكرون.. أفلا يعقلون.. وجعل لكل من يتفكر ويتدبر مقام ومنزلة..
علّم وربى الأشخاص مش بس الشخص، علم الأشخاص، وزي ما قلت اختارهم ووجه ملكاتهم واحد عنده الطاقة الجنسية شديدة شوية طيب تزوج الودود الولود، أوعى تنسى ممكن كل شيء يمشي صح بس من خلال العقد الشرعي ومن خلال التيسير الحلال..
إذن تستغرب لما تشوف كل واحد فيهم أصبح أمة أصبح شخص متكامل، فعلا لأن مفهوم.. محلولة مشكلته ومفهومة احتياجاته ومفيش حاجة مستخبية ولا في حاجة في السر أبدا، ده كل شيء واضح لأن يعني حتى لو ليك عذر مقبول الاضطرار مقبول {فمن اضطر غير باغ ولا عاد فلا إثم عليه} كل حاجة منفتحة علشان كده الشخصية الإسلامية اللي تربت على إيد الحبيب المصطفى صلى الله عليه وسلم أنه تعلمت مدرسة القرآن اللي تخرجت من مدرسة كانت شخصية متكاملة متستغربش لما تلاقية فارس مجاهد عامل صاحب حرفة وفي نفس الوقت عادل زاهد بالليل عمال بالنهار زهاد بالليل.. متستغربش طول ما تلقيه قادر على العطاء في كل شيء، علشان كده فعلا كان كل واحد أمة وقدر يقود أمه مفيش واحد من صحابة رسول الله إلا وأصبح أميرا ونجح في عمله لإدارة هذه الإمارة بكل هذه المكونات زهد إيثار، ودول وكانت الناس بتحبهم، كانت الأتباع بتحبهم، شوفوا اتعلموا الود من الودود، وربنا علمنا {الذين آمنوا وعملوا الصالحات سيجعل لهم الرحمن ودا} الودود وأخد الود من حضرة النبي صلى الله عليه وسلم اللي قله الحق: {لو كنت فظا غليظ القلب لانفضوا من حولك} عشان كده كان فيهم ود وفي رحمة وفي حب وفي تسامح، تخيل لما عمر بن الخطاب وهو على فراش الموت بيوصي بأهل الذمة لأنه سمع حضرة النبي صلى الله عليه وسلم قال: "من آذى ذميا فقد آذاني، من عادى ذميا فقد عاداني".
طاقة الأنانية إذا كانت هناك أنانية تصرفات عالية رفيعة المستوى أدت لتكامل الشخصية، وتقول الرأي الحر والاختيار الحر، وتعالوا نشوف نماذج لهذا الكلام..
البنت الصغيرة اللي راحت للحبيب المصطفى صلى الله عليه وسلم تشتكي مين؟ تشتكي أبوها، أبوها اللي من كام سنة لو جتله بنت يوئدها، راحت تقول إن أبي أراد أن يرفع بي خسيسته فيزوجني ابن عمي وأنا لا أريده!! حببنا حضرة النبي صلى الله عليه وسلم علمنا أن لابد من الرضا وأن الزواج عقد رضائي ولابد من الإيجاب والقبول وإياك وإياك وإياك.. راح باعت جاب أبوها.. البنت برضه مهانش عليها أبوها.. لكن قالت كلمة في التاريخ، قالت قد أجزت ما صنع أبي، ولكنني أردت أن أعلم بنات حواء أنه ليس لآبائهن عليهن من شيء.. إيه ده! إيه القوة دي! يا بنت إيه ده! وأجازت ما صنعه أبوها.

نشوف حاجة تانية غريبة، بريرة ومغيث هما الاثنان عبيد وكان بيحبها حبا غير عادي، مغيث بيحب بريرة، عملت إيه، مكنتش بتحبه عملت البدع لحد ما أعتقت وأصبحت حرة، طبعا مجرد ما بقت حرة الزواج انفصل، فطول الوقت مغيث ماشي وراها يعيط ويبكي وينشد له في شعر فكانت الناس مستغربة، ابن عباس رضي الله عنه قال شايف يا رسول الله إيه اللي بيحصل، تعجبوا من حب مغيث لبريرة، فنده لها صلى الله عليه وسلم قال لها: أما ترجعين؟! يعني كفاية كده قالت له: آمر أم شافع يا رسول الله.. مش أمر وميقدرش يأمر وعمره ما قال كده في أي قرار، لابد أن ياخد شورى بين أصحابه قال لها: لا بل شافع، قالت له: إذن لا أريد..
إذا حنلاقي يعني شخصيات تكونت وعرفت تتكلم/ يعني عمر ما كانت واحدة مقهورة تقول هذا الرأي مش عايزة لا دنا مش عايزة فعلا.. شوفوا القوة.
برضه يحضرني قول آخر أو يحضرني شخصية تانية، حضرة النبي صلى الله عليه وسلم وعظ الناس وأمر ألا يسألوا الناس شيئا، وقال لواحد حكيم بن حزام كل شوية يطلب حاجة، فقال له: إن المال خضرة حلوة فمن أخذه بسخاوة نفس بورك له فيه ومن أخذه باستشراف وجه لا بارك الله له فيه، قال له حتى منك يا رسول الله، قال حتى مني.. حكيم بن حزام اتعلم الدرس لدرجة أنه مكنش بيرضا ياخد حق إلا لما يجيله لحد عنده، يعني وهما بيقسموا كانت الناس لما سمعت هذه الموعظة كان الواحد منهم يقع الطوق بتاعه ميقلش لحد ناولهولي، كان ينزل بنفسه..
تربية.. إعداد.. إعداد مستمر، حضرة النبي صلى الله عليه وسلم كان في حاجات كتير بيحاول يغيرها، الأسماء اللي اسمه سيف واللي اسمه حجر واللي اسمه مش عارف إيه عفراء يسمي خضراء ويسمي بدر.. كانت كل هذه الأسماء لها أثرها وكان بأه ليهم أمر عجيب أوي كان يسموا عبدهم أسماء حلوة ويسموا أولادهم أسماء شديدة، لأن أسماء أولادهم لأعدائهم إنما أسماء عبدهم ليهم.
تفتكروا يا حبيبي لو مشينا على مر التاريخ حنلاقي هذا الولد القبطي وراح اشتكى لعمر بن الخطاب أن عمرو بن العاص لما ضربه وعمر بن الخطاب يخدله حقه يأله اقتص من ابن عمرو، وقال كلمته المشهورة: متى استعبدتم الناس وقد ولدتهم أمهم أحرارا!! إيه العظمة دي! إيه التربية دي! إيه القوة دي!
تعالوا يا أصحاب نظريات التربية تعالوا اتعلموا تعالوا يا أصحاب مناهج التربية، اتعلموا يا حبايبي.. ما أحوجنا للتربية والتربية على المنهج الحقيقي.. ثم التعليم.
والسلام عليكم ورحمة الله وبركاته.

ما اجمل كلامك غير ان عباراتك تريد التعديل من العاميه الى العربيه وجزاكم الله خيرا